رأى

شاهد رسالة من طفل لأبيه المُدخن

الآثار المدمرة للتدخين على الأطفال

أنا بحبك اوي يا بابا و عارف إنك كمان بتحبني أنا عارف إنك كبير مش صغير زيي عشان كده انت حر ، بتدخن من زمان باختيارك يرضيك يا بابا اختياراتك تضرني ؟. يرضيك دخان سيجارتك يخنقني و أنا لسه جنين في بطن ماما

يرضيك نموي و أنا جنين يبقى أقل من الأجنَة التانية
تعرف يا بابا إن الدخان اللي خارج من سيجارتك و انت بتنفخه أخطر عليا من الدخان اللي دخل صدرك ؟.
طيب تعرف إني ممكن يحصل لي تشوهات و أنا لسة في أول أيامي في الحياة بسبب أثر التدخين عليا ؟.
تعرف إن السيجارة اللي دخنتها جنبي و أنا جنين بتزيد من فرصة حدوث صعوبات تعلم و اضطرابات سلوكية و نفسية بعد سنين كتير من ولادتي.
الدخان اللي بتعرض له قبل ما اتولد بيعرضني لخطورة الموت المفاجئ بعد ما أتولد و أنا رضيع.
جهازي التنفسي كله هيتأثر و مناعته للعدوى هتقل و كل شوية هتعب بإلتهاب رئوي أو شعبي أو إلتهاب في الأذن.

الرئتين اللي ربنا خلقهم لي عشان أملاهم هوا نضيف دخان سيجارتك ملاهم من قبل ما أتولد و أشم هوا نضيف!

نموهم و أنا جنين و أنا طفل بيتأثر بالسلب و رئتي هتبقى أقل في الجودة و النمو من الأطفال زمايلي اللي أبهاتهم مش بيدخنوا.
هبقى عرضة أكتر لحساسية الصدر و علاج كتير و جلسات و حقن بسبب السيجارة اللي بتدخنها جنبي.
هتجيب لي العلاج و انت حاسس إنك عملت واجبك ناحيتي و عشان بتحبني ،
 بس مش هخف !.
 لأن أول خطوة في علاج الحساسية هي إني أبعد عن أي حاجة بتسبب الحساسية
و أولها دخان سيجارتك.
اللي أخطر عليا من عوادم العربيات و تلوث الجو و احتراق غابات الأمازون
..
ضميرك هيوجعك شوية ؛
هتدخن في الحمام ، البلكونة ، على السلم ، ف العربية باعتبار الشبابييك مفتوخة.
خليني أقولك إني برضه بتأذي
لأن مكونات السجاير المحترقة جزيئات كبيرة مش بتطير بسرعة.
بتفضل ف المكان دقايق و ساعات و ده بيخلي ريحة السجاير تلزق ف الهدوم.
و المكان اللي حد مدخن فيه بتفضل ريحته سجاير وقت طويل.
و لأننا في البيت مش في الشارع الجزئئات دي هتفضل وقت أطول و هتضرني.
طيب تعرف إني مش بس بتأذي من second half smoking التدخين السلبى
لكن كمان من third half smoking.
يعني لو خدتني مكان كان فيه مدخنين قبل ما أوصل للمكان ده هتأذي من آثار تدخينهم.
لأني كائن حساس و لسة جسمي بيتكون.
حاول تبطل سجاير يا بابا
عشان صحتك تبقى أحسن و نستمتع بأوقاتنا سوا لما تكبر
 أو على الأقل ما تدخنش قريب مني عشان ما تأذيش صحتي
 و لأنك قدوتي و أنا كائن مقلد سريع التعلم ، و هعمل زيك.
بقلم د. إيمان عز الدين

الوسوم
اظهر المزيد

اترك رد

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock