تكنولوجيا

إختراق حساب ترامب على تويتر، و كلمة السر ” انت مطرود”

ترامب يعتمد كلمة السر في كل حساباته على السوشيال ميديا.

في 2016 تلاتة هاكرز من هولندا مش مهم نعرف اساميهم قاعدين بيدورا في الdatabase بتاعت linked in اللي كانت اتسرقت او بمعني ادق أخترقت سنة 2012.

اكتر من 117 مليون حساب بيتباعوا علي الدارك ويب عادي كده في 2016.

بس ياسيدي وهما بيدعبسوا كده لقوا الhashed password بتاعت مييين؟

بتاعت دونالد ترمب اللي كان ساعتها داخل الانتخابات.

قبل مااكمل خليني اقولك يعني ايه hashed password
دي ياسيدي بمنتهي البساطة الباسورد بتاعتك بس بتخش علي خوارزمية كده بتطلعها شوية حروف وارقام مش مفهومة وعلشان تفكها لازم تكون عارف الباسورد نفسها.

طبعا مصدقوا وراحو جابوا برنامج اسمه john the ripper لفك الhashed password, وفي اقل من ثانية كان معاهم الباسورد
ايه الباسورد بقي؟ “yourefired”

ودي من اشهر جمل ترامب. بيقلها بدل صباخ الخير.
طيب هما حاولوا يستخدموا الباسورد في الدخول علي تويتر وكانت المفاجأة إن نفس الباسورد مستخدمة في تويتر بس مش نفس الايميل. شوية وعرفوا يجيبوا الايميل الصح. بس تويتر منعهم من الدخول علشان هما حاولوا يخشوا من اوروبا بس ترامب لسه داخل من نيويورك.

سهلة يعني, راحوا مستخدمين proxy وغيروا الIP بتاعهم ودخلوا علي تويتر.وخدوا سكرين شوتس وخلعوا.

لحسن حظ ترامب ان هما من الهاكرز الطيبين. حاولوا يبلغوا علشان محدش يستغل الحوار ده وبلغوا فعلا والحوار متعرفش إلا اليومين دول يعني بعد اربع سنين واللي نشرة مجلة هولندية. ومن هنا نطلع بسؤال.

ليه بقي ناس كتير إتكلموا الموضوع ده؟! ما عادي يعني محصلش حاجة.
لأن هنا حصلت اخطاء كتير مكنش المفروض تحصل وخصوصا مع شخصية مشهورة زي ترامب.

في حاجة كده إسمها password hygiene ودي زي تعليمات او خطوات تمشي عليها علشان تعمل باسورد قوية. خليني اقولك علي كام حاجة فيهم.

  • متسخدمش حاجة معروفة عنك. هنا ترامب استخدم جملة بيقولها اكتر مابيتنفس.
    -متستخدمش نفس الباسورد مرتين. ترامب إستخدمها في linked in و twitter.
    -الباسورد تكون جمل صعبة ومش مفهومة غير ليك. ترامب استخدم جملة “yourefired” ودي كسرها مخدش ثانية.
    -لو بتستخدم نفس الباسورد في كذا موقع, وواحد منهم تم إختراقه. لازم تغير الباسورد في المواقع التانية علي طول.
    نفس الموضوع حصل مع مارك صاحب فيسبوك وكان عامل باسورد dadada تقريبا ابن اخته قعد علي الكيبورد.

الخلاصة:
– نفس الباسورد لكل المواقع لأ ياعلي.
-خلي الباسورد مش اقل من 18 حرف علي الاقل ويستحسن تستخدم جمل.
-حط حروف وارقام و special characters زي # و@.
-إستخدم برامج password managers.
-نفس الباسورد لأ بقولك.

شوية مصادر بقي:

“Yourefired” was Donald Trump’s Twitter password, claim hackers


https://www.forbes.com/sites/daveywinder/2020/09/12/can-you-guess-trumps-twitter-password-these-hackers-say-they-cracked-it-in-2016-report-yourefired/#1cf3079c21f9
https://nltimes.nl/2020/09/11/dutch-hackers-broke-trumps-twitter-account-2016-report
#

الوسوم
اظهر المزيد

اترك رد

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock